Од 1ви до 20ти Март, 2018 година, здружението за унапредување на меѓусебната доверба ТАКТ, кое се залага за поголемо вклучување на девојки и жени во спорт и родова еднаквост во спортот, Ве поканува да учествувате во конкурс за наjинспиративна спортска фотографија. Целта на овој конкурс е преку фотографија да инспирираме и поттикнеме поголем број на девојки да се вклучат во спортско-рекреативни активности.
Начин на конкурирање: Конкурсот е отворен за сите жители на Република Македонија. Еден автор може да објави неограничен број на фотографии. Фотографиите треба да бидат лично дело на објавувачот и нема да биде дозволено превземање на фотографии од интернет. Не е задолжително фотографиите да бидат изведени со професионален апарат, дозволено е аплицирање со фотографии направени од телефон или друго. Истите треба да бидат јавно објавени (public) на Facebook или Instagram со хаштаг #ДевојкиКакоНас и #ТАКТ.
Првите три фотографии кои ќе бидат избрани како најдобри од страна на стручното жири, ќе добијат парични награди, а од најдобрите 25 ќе бидат изложени. Наградите со во износ од 6.000 денари, 3.000 денари и 2.000 денари за прво, второ и трето место.
Иницијативата е поддржана од Кралството на Embassy of the Netherlands in Macedonia, преку проектот “Зајакнување на девојки преку спорт”.